O Proxecto
Ciclo Mestre Mateo
A Academia Galega do Audiovisual co apoio da Área de Cultura da Deputación da Coruña, a vicepresidencia da Deputación de Lugo, a Deputación de Pontevedra e a Deputación de Ourense impulsa este programa de cinema dirixido a concellos e vilas que desexen incluír na súa oferta cultural as longametraxes de ficción e documentais máis destacadas do audiovisual galego actual.
Grazas á colaboración establecida entre o ICAA e a Axencia Galega das Industrias Culturais, as curtametraxes de imaxe real e animación tamén forman parte do catálogo do ciclo.
Froito da colaboración coa Secretaría Xeral de Emigración o Ciclo Mestre Mateo tamén está presente nas Comunidades Galegas do exterior.
Esta iniciativa é posible grazas a implicación de persoas apaixoadas pola cultura e o cinema que, coa súa xenerosidade, axudan a materializar o proxecto.
Os obxectivos do Ciclo Mestre Mateo son:
Cidadanía
Facilitar o acceso da cidadanía ao cinema galego
proxeccións
Favorecer as proxeccións públicas como actividades colectivas que crean comunidade arredor do cine
Oferta cultural
Contribuir á diversificación das ofertas culturais de concellos e vilas, fomentando hábitos de consumo de programación audiovisual galega
Talento creativo
Poñer en valor o talento creativo de artistas e profesionais do sector audiovisual
Salas de cine
Grazas ao apoio das institucións implicadas, as películas que conforman a programación chegan a unha rede de salas espalladas por Galicia, Europa e América Latina, facilitando ao público a oportunidade de gozar do noso cinema en pantalla grande.
Películas do ciclo
AS SESIÓNS DE CURTAMETRAXES
